الرئيسية / اخبار اسلامية / وصية مجاهد – أبوحيدر الشاعر من محافظة الديوانية الحمزة الشرقي
28

وصية مجاهد – أبوحيدر الشاعر من محافظة الديوانية الحمزة الشرقي

ومن قصائده، قصيدة بعنوان (وصية مجاهد) : المجاهد كتب فوك الچفن بالدم ماكو اقامة**اتظل صلاته قصر مادام بسلامةوماكو اقامه **وشعبي منهوب وخطط أمريكا تمشي براس أهلنه **وجيشنه اللي چانت اتهابه الأمم منعزل عنَّه **ودينـَّه بدلو اسمه باسم عفلق

 

 

المجاهد كتب فوگ الچفن بالدم ماكو اقامة
اتظل صلاته قصر مادام بسلامةوماكو اقامه
وشعبي منهوب وخطط أمريكا تمشي براس أهلنه
وجيشنه اللي چانت اتهابه الأمم منعزل عنَّه
ودينـَّه بدلو اسمه باسم عفلق
بالبعث بالاشتراكية اللي صار النهب فنـَّه
لو بحرية اللي صارت سجن إلنـَّه
لو شعار الوحدة من فوگ وحدر فرق شملنـَّه
لو بدستور البعث ميثاقهم مخطوط بالسمّ، منهو يهتم
روسيا، أمريكا، إسرائيل جابته المحنـَّه
لو بملك حسين، لو عن فهد، لو مجلس خليجينه المچنـَّه
منهو إلنه، منهو يهتم والبعث حل بانتقامه
شلون ما نرفع شعار الهجرة من باب السلامة
وماكو اقامه، ماكو اقامه
اشلون گلي انقيم، مو أهلنه بسجن صدام عفناهم واجينه
موش واعدناهم نعود وبنادقنه بدينه
موش إحنه اللي تحالفنه بدم اخوتنه
ابدم الصدر الشهيد نحامي دينه
موش إحنه اللی عمر ندعوا ابعث دولة كريمة
مو قسمنه بدمعة الأيتام وبستر الحراير
كون لآخر نفس ونحقق حچينه
مو خواتي بسجن صدام وبناتي، تحت رحمة أمن بغداد اللعينة
عمي لو ماعدنه دين، تبگه بينه الغيرة تسعر عالبعث طلاب ثار
عار للما يحمي عرضه، وكون لجله نشب نار
كون ألغم روحي عالكافر وأفجره
جسمي لو ظل عدل عار
شنهو صدام وشنهو حكمه ونظامه
وشنهو يتسلّط على أعراض الأحرار
اشلون واحنه حسين علّمنه الشهادة
اشلون لو تنجمع ويَّه الغيرة دين
كون اشب نارين واحرگ أبوصديم
اچفوفی مفتوحات ما مشدوده عين
أقسم بدمع اليتامه بشرف ديني
أبگه ما طول العمر بيه السلامه
أشعل چفوفی لجل ديني مشاعل
وخلي نار المشعل ادوي علامه وماكو اقامه
ومن أبيات له يخاطب فيها الإمام الخميني قدس‌سره:
إلك بس الك
سجدن حچاياتي إلك
بالشعر مگدر أوصفك
لَوَن كل الدنيا نجمة ادور إنته اله فلك
همتك تخطيط كامل للكرة وانته المَلَك
إيدك تمده على الدنيا شفه ومن خيال الچف عدوك هم هلك

 

شاهد أيضاً

19

موسوعة شهداء العراق فيلق بدر – 15أبوشهيد الناصري

الشهيد حمود حمد حلبوص قافلة الشهداء تحث السير بقوة وإقدام وهي تسلك الطريق اللاحب الخطير متجهة ...

أضف تعليق