الرئيسية / من / الشعر والادب / حِده…حادي الضعينه…ابطور فرگاكُم

حِده…حادي الضعينه…ابطور فرگاكُم

الشاعر السيد عبدالخالق المحنّه

حِده…حادي الضعينه…ابطور فرگاكُم

صِحت الله ومحمدنه وعلي وياكُم
إذكروها…لا تنسوها…عليلتكُم

دعواي .. رجواي ربّي بارك وسهّل أمرهُم
يا نور .. بالنور إقبل دعوتي وحقق نصرهُم
ماشين .. والدين بانت ميلته ويطلب عمرهُم
تشيع .. توديع ما تفرق على عيوني بسفرهُم
صحت حي النشامه وحي بني هاشم
ابوي ويا عمامي ويا علي وجاسم
تشافيني…تعافيني…شهامتكُم

معروف .. شيشوف من ودع هلّه وسلم للغياب
مرعوب .. ويلوب يركض على الهوه لو حرَّك الباب
واليوم .. معلوم أنه وداري أنعه بفگد الاحباب
والدار .. أخطار فرسني الظلام وصفنة أنياب
على باب الجرح أكتب أساميكم
وأنه كل يوم أصبحكم وأمسيكم
تودعكُم…تشجعكُم…حبيبتكُم

يبطال .. يرجال حيّكم دينكم ماتت رجاله
شُبان .. قربان طيحوا والمهم تبقى الرساله
مطلوب .. مكتوب تروي كربله دموع الثكاله
بخيام .. جسام يشعل شمعته بلحظة نزاله
هلي شِيّب وشباب بساعة الكلفة
يشِيمون بفعلهُم والحرب زفة
مثل حيدر على خيبر يصولتكُم

عباس .. عباس أتمنه أشوفك من تقاتل
وياك .. حيّاك بيدي معصبي ودمعي هلالل
مغوار .. كرار تگلبها عليهم يا أبو فاضل
المريود .. موجود جيب المشرعة وذل الجحافل
أعرفك ما تكول چفوفي مگطوعة
تگول الحمد لله الراية مرفوعة
ينعم العم…تريد الدم…رسالتكُم

يا روح .. وتروح عبد الله رحت يبعد أخيَّتَك
تفكير .. ويصير عالشط تنذبح ضامي عرفتك
عطشان .. حزنان عمك محسن اليمسح دمعتك
وأرجاك .. وأنخاك لو جاك السهم طلع رگبتك
اخوي البلمهد بس يفزع وياهُم
إذا هجموا عمامه يصيح حيّاهُم
يناغينهُم…يناديهُم…سلامتكُم

وشلون .. يم عون عمه هوايه أنتي مو قليله
بكتاب .. وحساب من بعد الگمر إنتي الكفيله
بحبال .. وعيال انتي عليچ الايام الثگيله
حبيت .. ياريت خطي على النهر اسم العليله
مثل عباس اعرفچ غيره ومروه
ازرعي عالشريعة كلمة الخوه
يبو فاضل…تره تقاتل…عقيلكُم

سلواي .. يدواي رايدني أضل وأنه أريدك
موجوع .. بدموع تكسر ظهرك بطيحة عضيدك
مظلوم .. مهموم تنصر ربك بگطعة وريدك
أفعال .. تنگال چي ما صافحتهم گطعوا ايدك
أريدك والشمر گاعد على صدرك
تذكر حسرتي ما بستك بنحرك
ولا نظره…بقت حسره…يشوفتكُم

صولات .. حملات سكنه وعاتكه وخوله ورقيه
محبوب .. مهيوب صوت الله أكبر من سبيه
دعوات .. دمعات كل دمعه بسهم بعروش اميه
آلآم .. وأيتام لكن تنبني دوله حيدريه
ولا أنكر أموت ودمعتي بخدي
يظل ثار السبايا لطلعة المهدي
يواسيها…ويشافيها…رقيتكُم

شاهد أيضاً

ثواب من قال لا إله إلا الله وحده وحده وحده

[ثواب من قال لا إله إلا الله وحده وحده وحده] أبي (ره) قال حدثنا سعد بن ...