الرئيسية / من / الشعر والادب / قصيدة شعبية باللهجة العراقية في سبب حبنا لحيدرة الكرار ع

قصيدة شعبية باللهجة العراقية في سبب حبنا لحيدرة الكرار ع

گلي لیش اتحب أمیر المؤمنین

ولیش بالشدات تنخا حیدره

ولیش من تعثر تنادي یاعلي

ولیش من اتگوم اسمه تظهره

ولیش من تذکر رسول الله الأمین

ویّه اسمه اسم حیدر تذکره

حیدر انسان ومثل باقي الأنس

انته دایم لیش اسمه اتکبره

گتله اسمع یا سفیه شما اگول

وکل کلامي بعگل وافر عبّره

هذا حبي مو غریزه ولا هوه

ولا تعصب لا هو حب بلا دره

حبي فطره ویوم الله خالقي

خلق هاي الروح هالحب افطره

آنه احبه لأن محبوب الرسول

ودوم چان ایعظمه سید الوری

وگال هذا مثل هارون الزمان

یوم موسی البني اسرائیل امّره

وگال نفسي هیّه نفس المرتضی

والشریعه بسیف حیدر عامره

وبس علي أسلم وآمن بالنبي

یوم چانت کل قریش اتکفره

ومن تگلي لیش تنخا بس علي

آنه اگلك مني اسمع ما جرا

من نخاه المصطفی مکانه یبات

حیدره ما هاب گوم الغادره

ویوم خندق من ابن ود ظل یصول

طاها منهو الذي الحربه سیره

والنبي یا هو الذي الخیبر بعث

قلع بابه وراس مرحب طبره

هسه تدري لیش آنه انخا الوصي

مو رسول الله نخا یوم الکره

زایل الشدات عن وجه الرسول

بطل لجل الدین عمره ناذره

آنه احبنه واظل انخا مدام

ولجل یوم الدین حُبه ذاخره

حب علي هوّه الصراط المستقیم

وهوّه لینجیني یوم الآخره

اشلون اعوفن حب علي شي مستحیل

ملك وجداني ووسط روحي جریٰ

آنه ما عوفن ابد نهج الأمیر

الیدري یدري وخله یدري الما دره

آنه واهلي والسمع هذا الکلام

نفتخر لو رحنه فدوه الحیدره

شاهد أيضاً

إخلاء غزة من ساكنيها جريمة حرب… ما جذور هذا التوجه وسياسات تنفيذه؟

الوقت- منذ الأسابيع الأولى للحرب الجارية في غزة، ظهرت النية الإسرائيلية لتهجير سكان القطاع إلى خارجه، ...