الرئيسية / من / الشعر والادب / ورمــله تــتأمل رجوعه          رمـــله تــتأمل رجوعه

ورمــله تــتأمل رجوعه          رمـــله تــتأمل رجوعه

 

 

للقاسم آيات

مــعرس وسـبعين ألف عالگه شموعه

تــــنتظر مــــن الخـــــيم موعد طلوعه

طـــــلع الــــهم محرب ابسـيف وعقيده

ويــــدري جــــاسم حنـته من دم وريده

ورمــــله تــــــتأمل رجــــــوعه          رملـــــه تـــــتأمل رجـــــــوعه

* * *

جــلّت الخــــالق قــــدرته الصـوّر الجسام صوره

وين أبـن يعگوب يوسف خل يجي ويشوف نوره

مثــــل قـرص الشمس واگف للحرب ينتظر دوره

مــــا بـــي نقـص حسن الصوَر          لاچــــنّه يـــــخـــــدع بــــالنظر

مـــره شــــمس مـــره گــــمــر          اتــــعطّر العـــــنــبر عـــــطوره

اشــــلون شـــاب المقـتدي بأحكام دينه

لـــلشهاده مـــن المـــهد مفتوحه عينه

وبــــالتفادي مــــنغمر والحـــرب عيده

ويــــدري جــــاسم حـنته من دم وريده

ورمــــله تتأمل رجوعه          رمـــله تــتأمل رجوعه

* * *

يــسحر العـــين التـنظره لو تـريد اتشوف حسنه

رشـــأ لـــو راد أيــتغطرس غـصن لو راد ايتثنه

ومــن يـميل اتگول ورده ومالت ابروضة الجنة

وردة عـــطر شــــطــبة ثـــــمر          جاســــم ســــحر كــــل البــشر

مــــثل الــگــــمر نـــوره انتشر          والكــــواكــــب حــــاوطـــــــنّه

مــــن طــــلع مــــن الخيم حيدر ابعينه

مبتسم للمـــعركه وســـــيفه ابيـــــمينه

وثــــغره ويــــه الـــصارم ايردد نشيده

ويــــدري جــــاسم حـنته من دم وريده

ورمـله تــتأمل رجـوعه          رملـــه تــتأمل رجوعه

* * *

واگــف ابـــصدر المخـــــيم ينظر البــرج المعاره

امتوّج ابهيــــبة مــــحمّد الحيـــدر يـــمثّل أدواره

طلــــع مـثل الحسن يمشي والوجه تسطع انواره

للــتضحــــية ثــــغره ابـــتـــسم          من طــــلع مــــن بـــــين الخيم

والنــــصر بــــجــبينه انــــرسم          والحــــرب تــــكــشف أسـراره

لبــــو اليــــمه أيــمثّـــله بالصبر جاسم

وضــــربة الـصارم مثـــل بدر الهواشم

ومثــــل الأكبــر من يشد عالسيف ايده

ويــــدري جــــاسم حنـته من دم وريده

ورمــــله تتأمل رجوعه          رمـــله تــتأمل رجوعه

* * *

لمــــن اتـــوســط الحــــــومه ابحالة الأكبـر تذكّر

التهب سـيفه ابنار زوده ونار حزنه ابگلبه تسعر

صـــاح لـــو أگــلب الحــومه لو أوفّي بثار الأكبر

صـــوّت عـــلى صفوف الحرب          لـــو أطـــفي نــــيران الگــــلب

لــو اگــــلب الحـــــومه گـــــلب          ابـــعزم گــــلبي وسيـــف حيدر

وگـــف جـــاسم يـــرتجز وسط المعاره

لابـــن عــــمه الأكبر ايطـــالب ابـــثاره

يـــريد يـــــوم الخــــندق ابـسيفه يعيده

ويــــدري جــــاسم حـنته من دم وريده

ورمـــله تـتأمل رجوعه          رمـــله تــتأمل رجوعه

* * *

غــايتـــه نـــصر العــــقيده والحــرايب ما تهمه

ورمـــله مـن شافت ولدها يرتجز بسم ابن عمه

نـــادته حيّــــاك يـــــبني من الدليل اكشفت همّه

نِــعم الــــــولــد نِـــعم الــــــولد          حــــاشــــاك تــــنقض بـــالعهد

ابچـــــفك حُـــــسام المعــــتــقد          لـــو حـــــسم واثـــق ابــحسمه

يطـــفي جمر الگلب من ينضح حسامك

والشــــهادة ابــــدمك اتـــطـرز وسامك

والمــــجاهد مـــوقفه اليــضمن رصيده

ويـــدري جــــاسم حــنته من دم وريده

ورمــــله تتأمل رجوعه          رمـــله تــتأمل رجوعه

* * *

انـــفرد جــاسم بالصفـــوف وشال البنود او گطعها

ولوه الجنحين او گلبها على الگلب واختل وضعها

ابـــرنّة الصـــارم خـطابه أو بالرمح منهج شرعها

ابــــسيفه الشــهم أبــده الوعظ          المـــاچــــانت اتــــأدي الفرض

أرغمــــها تــــسجد عـــالأرض          أو بـــالرمح يـــحسب ركعــــها

مـــن يــــأذن سيــــفه تسجدله المعاره

والـــوضوء إيـــصير من دمها التجاره

ابـــشسع نَـــعله الگدر ناصبله المكيده

ويـــدري جـــاســـم حنته من دم وريده

ورمــله تــتأمل رجوعه          رمـــله تــتأمل رجوعه

* * *

انـــگطع شسع النعل منّه او عالارض أحنه قوامه

او لا تـــگول ابـحرب واگف واگف ابروضة هيامه

او عيّـــن الأزدي طـــبرته والگـــدر شائت أحكامه

الجـــاسم تــــصوّر مـــنـــــظره          هــــلال او تــــكــوّر عـــــالثره

او بــــالدمـــه اتــفايض منحره          حنـــــته دمـــــوم الـــكـــرامــه

هـــوت فـــوگ الثـره من العليّه الثريه

وانــــطفت أنــــوارها ابكــــهف المنيه

هــــوّه هــــذا الأمـــل هـالمعرس يريده

ويــــدري جــــاسم حنـته من دم وريده

ورمــــله تتأمل رجوعه          رمـــله تــتأمل رجوعه

* * *

هـــلال جـــاسم على الغبره طـاح من برج الثريه

ورمله صــــاحت آه يــــبـني بيـّـن مصــابك عليّه

ريـــت مــن گـــبلك يـــجاسم كون تآخذني المنيه

يـــبن الحــــسن خان الدهر

خــــلاني محــــنيه الظـــهر

مـــن شــاهدت جسمك وذر

اعـــرفت يـــا جاسم أروح اميـسره بين آل اميه

* * *

دمشق 1980 م

 

 

 

شاهد أيضاً

بوريل: اعدنا فتح الطريق المسدود بشأن استئناف مفاوضات فيينا

اعلن مسؤول السياسة الخارجية للاتحاد الاوروبي جوزيب بوريل بعد محادثاته بطهران انه تم كسر الجمود ...