قصيدة يدافع فيها الشاعر عن الحشد الشعبي ويرد على من يرفضه!

وهذه قصيدة أخرى باللهجة العامية العراقية
يخاطب الشعار فيها الحشد الشعبي المقدس:

يمن غيره وحميه وكلك احساس
يحضرك بالشدد تدري انت عباس
بشموخه قاتل وظل رافع الراس
تحت جدمك ترى الارهاب ينداس
*وكل كريمه اتنختك++يلي باذل

*****************
لإن مرجعنه أفتى شدوا الحزام
يمن بيكم وطنه رافع الهام
ولد حيدر علي حماي الاسلام
بعد من عال بيكم بطل إينام
*والرصاص أوسادتك++يلي باذل

******************
تربيتوا وكبرتوا بخدمة حسين
يلوكَـ الكم أسم حماية الدين
بدر تروي خبركم كَبل صفين
عدوكم بيكم أدرى ويعرف زين
*المواكب ربتك++يلي باذل

**********************
النصر إلكم مؤكّد بس صبر راد
وتشوفون العراقي أعلى الخلكَـ ساد
أبفظلكم يا أسود إلنه الأمل عاد
وبفضل دم الشهيد البالنفس جاد
*وبالسما أتظل رايتك++يلي باذل

******************
نسل سفيان ذوله وزمرة أيزيد
الحسين اصبح وطنه وذبحه أتريد
أذا مو كلمه وحده وأيد بالأيد
نرد حملات أُ ُحد وخيبر أنعيد
*والمراجع قادتك++يلي باذل

****************
إذا ردنه الأمان ورِفعَة الحال
نظل بَمر الامام إشما حجه وكَال
ندوس اعلى الزمان ولو قسا وطال
الوطن غالي الوطن حراسه إرجال
*خيمه هو وعزتك++يلي باذل

*****************

اكيد ابن الحسن هوَ الي يرعاك
لون ابشده توكَع يوكَف اوياك
يعرفك ناصره وشلون ينساك
ابفضل حبه ودعائه الباري يحماك
*وحجة الله سانِدك ++ يلي باذل